ზურაბ მარეხაშვილი: V კლასი

კომპლექსური შემაჯამებელი დავალება. თემა: სამეგრელო

წარმოიდგინე, რომ ტურისტული სააგენტოს თანამშრომელი ხარ. ხელმძღვანელობამ დაგავალა ტურისტების ჩაყვანა სამეგრელოში და იქაური ღირსშესანიშნავი ადგილების მონახულება. შეადგინე გეგმა, რომლის მიხედვითაც წინასწარ უნდა განსაზღვრო რა ადგილებს მოინახულებთ ორდღიანი ტურის განმავლობაში და რაზე ესაუბრებით ტურისტებს. აუცილებელია დაასაბუთო, რატომ არის თქვენს მიერ შერჩეული ადგილი ტურისტებისთვის საინტერესო. თქვენი მიზანია ეს ორი დღე მათთვის საინტერესო და დაუვიწყარი იყოს. ამავე დროს ამ ორ დღეში მათ კარგად უნდა შეიმეცნონ და შეიგრძნონ სამეგრელოს თავისებურებანი. ამ მიზნის მისაღწევად დაგეგმეთ საინტერესო და სახალისო აქტივობები. ეს აქტივობებიც თქვენს გეგამაში უნდა აისახოს.

გეგმა შეიძლება წარმოადგინო თაბახის ფურცელზე ან ფორმატზე, ან ბლოკნოტის ან ბუკლეტის სახით, თქვენი სურვილის შესაბამისად.

ნაშრომში თვალსაჩინოდ წარმოადგინეთ:

· სამეგრელოს მდებარეობა, ჰავა და კლიმატი.

· სამეგრელოს ქალაქები და მათი ღირსშესანიშნაობები. ამ ქალაქებთან დაკავშირებული საინტერესო ამბები.

· სამეგრელოს ისტორიის ამსახველი საინტერესო მოვლენები.

· კოლხეთის ეროვნული პარკი და მისი დანიშნულება. სამეგრელოში არსებული ბუნების სხვა ღირსშესანიშნავი ადგილები.

· სამეგრელოში არსებული კულტურისა და ისტორიის ღირშესანიშნავი ადგილები

· სამეგრელოსთვის დამახასიათებელი საცხოვრებელი სახლების ტიპები.

· მეგრული მარანი და მასთან არსებული ტრადიციები

· მეურნეობის დარგები სამეგრელოში.

· მეგრული სამზარეულო.

ნაშრომი უნდა ჩაბარდეს 27 თებერვალს.

როგორ მოვამზადოთ ბუკლეტი პოვერ პოინტში

ვიდეო: როგორ გავაკეთოთ ბუკლეტი პოვერ-პოინტში

კომპლექსური დავალება

გელათის მონასტერი საქართველოს ისტორიის გამორჩეული კულტურული ძეგლია, რომელიც ბაგრატის ტაძართან ერთად იუნესკოს მსოფლიო მემკვიდრეობის ნუსხაში შეიყვანეს. ბაგრატის ტაძრის რესტავრაციის შემდეგ კითხვის ნიშნის ქვეშ დადგა ამ ორი ისტორიული ძეგლის მსოფლიო მემკვიდრეობის ნუსხაში დარჩენის საკითხი. წარმოიდგინეთ , რომ ხართ ჟურნალისტი და მოამზადეთ საგაზეთო სტატია გელათის შესახებ, რომელშიც დაასაბუთებთ ძეგლის ისტორიულ მნიშვნელობას და ნუსხაში დარჩენის აუცილებლობას. სტატია, სურვილისამებრ, შეგიძლიათ დაასურათოთ.

სტატიაში ხაზგასმით წარმოაჩინეთ:

1. როგორია გელათის მონასტერთან დაკავშირებული მნიშვნელოვანი ისტორიული მოვლენების ქრონოლოგია ? (დრ. 2)

2. რა ცვლილება განიცადა გელათის მონასტრის იერსახემ დაარსებიდან დღევანდელ დღემდე?( დრ.1)

3. რას მოგვითხრობს ლეგენდები და მითები გელათის მონასტრის შესახებ?( დრ. 3)

4. როგორია დღეს მდგომარეობა გელათში.რა პრობლემის წინაშე დგას ეს ძეგლი და რაში ხედავ გამოსავალს?

მასწავლებლის მიერ დასმული შეკითხვები პრეზენტასიის დროს.

· აღწერე, როგორ წარიმართა დავალებაზე მუშაობის პროცესი;

· აღწერე რა პროდუქტი შექმენი;

· რა საკითხს შეეხება შენს მიერ მომზადებული დავალება?

· ახსენი, რატომ შექმენი სტატია ? რისი თქმა გინდოდა მისი საშუალებით?

· რატომ ფიქრობ, რომ შენს მიერ შექმნილი პროდუქტი ნამდვილად სტატიაა?

· შენი აზრით, ვინ უნდა დაინტერესდეს შენს მიერ შექმნილი კომპლექსური დავალებით და რატომ?